Biblioteka

Biblioteka e Universitetit të Mjekësisë, Tiranë (UMT) përbën një nga strukturat kryesore akademike dhe shkencore të institucionit, me një rol qendror në mbështetjen e procesit mësimor dhe veprimtarisë kërkimore. Ajo shërben si një pikë referimi për studentët, stafin akademik dhe studiuesit në fushat e mjekësisë, farmacisë, stomatologjisë, infermierisë dhe shkencave të tjera të kujdesit shëndetësor.

E strukturuar në mënyrë të integruar, me elementë të bibliotekës klasike dhe asete të bibliotekës digjitale, biblioteka ofron akses të gjerë në burime bashkëkohore informacioni, duke respektuar standardet më të larta ndërkombëtare. E vendosur në afërsi të godinave kryesore të fakulteteve, ajo ofron një ambient modern dhe funksional, të pajisur me literaturë të specializuar dhe burime elektronike në shërbim të zhvillimit akademik dhe profesional të përdoruesve të saj.

Biblioteka e Universitetit të Mjekësisë, Tiranë ofron një koleksion të pasur dhe të larmishëm tekstesh, të përshtatura për nevojat akademike dhe kërkimore të studentëve dhe stafit pedagogjik në të gjitha programet e studimit:

Tekste bazë dhe të avancuara universitare në fushat e mjekësisë, stomatologjisë, farmacisë, shëndetit publik dhe shkencave teknike mjekësore.
Fond referencial me fjalorë, atlase, manualë klinikë, enciklopedi dhe literaturë të specializuar.
Revista dhe periodikë shkencorë, kombëtarë dhe ndërkombëtarë.
Tema diplome dhe disertacione të studentëve të cikleve Bachelor, Master dhe Doktoraturë të UMT-së.
Burime elektronike, përfshirë libra digjitalë, artikuj shkencorë dhe punime kërkimore.
Katalog i organizuar sipas standardeve ndërkombëtare të bibliotekonomisë (Dewey, UDC).

Organizimi i Bibliotekës në Salla:

Salla e Leximit (Fondi i Hapur)
Salla e Kompjuterëve / Aksesit Elektronik
Salla e Huazimit
Arkiva

Biblioteka ruan funksionin tradicional të bibliotekës klasike, duke i kushtuar vëmendje të veçantë ruajtjes, përditësimit dhe pasurimit të fondit fizik, si dhe promovimit të kulturës së leximit akademik ndër komunitetin universitar.

Universiteti i Mjekësisë, Tiranë
Adresa: Rruga e Dibrës, pranë QSUT-së, Tiranë
Web: www.umed.edu.al
Biblioteka Elektronike: http://widgets.ebscohost.com/prod/customerspecific/ns283074/searchbox/ns283996_al.html

Misioni i Bibliotekës Mjekësore

Biblioteka Mjekësore e Universitetit të Mjekësisë, Tiranë ka si mision të ofrojë akses të shpejtë, të saktë dhe të gjithanshëm në burimet më të fundit shkencore dhe informacionin akademik në fushën e mjekësisë, me synim mbështetjen e arsimit cilësor, kërkimit shkencor dhe praktikës klinike.

Misioni fokusohet në:

Sigurimin e aksesit të barabartë në informacion të besueshëm dhe të përditësuar për studentët, pedagogët dhe studiuesit;
Ofrimin e trajnimeve për përdorimin efikas të mjeteve bibliografike dhe softuerëve menaxhues të literaturës shkencore;
Nxitjen e partneriteteve dhe bashkëpunimeve me biblioteka dhe institucione të tjera akademike brenda dhe jashtë vendit;
Pozicionimin si një ndër bibliotekat universitare më të avancuara në rajon, përmes integrimit në rrjetet ndërkombëtare të informacionit akademik dhe sigurimit të aksesit në burime moderne e të specializuara.

Objektivat Strategjike të Bibliotekës

Biblioteka e Universitetit të Mjekësisë, Tiranë synon zhvillimin e qëndrueshëm dhe përmirësimin e vazhdueshëm të shërbimeve përmes objektivave të mëposhtme strategjike:

- Dixhitalizimi i fondit ekzistues dhe krijimi i një arkive të hapur.
- Zgjerimi i aksesit në burime ndërkombëtare me vlerë të lartë shkencore.
- Trajnime të vazhdueshme për stafin dhe përdoruesit.
- Modernizimi i infrastrukturës teknologjike.
- Promovimi i Open Access dhe rritja e botimeve akademike vendase.

Biblioteka Elektronike
Biblioteka Elektronike e Universitetit të Mjekësisë, ofron akses në literaturë dhe databaza të standardeve ndërkombëtare. Si një strukturë plotësuese e bibliotekës fizike, kjo bibliotekë është në përshtatje me nevojat bashkëkohore të studentëve, kërkuesve shkencorë dhe stafit akademik.

Shërbime dhe veçori kryesore:

Akses në databaza të mëdha shkencore si: HINARI, COBISS, U-Library etj.
Mundësi për kërkim të avancuar bibliografik.
Asistencë dhe orientim bibliografik për kërkime akademike dhe shkencore.
Mjedise të përshtatshme për studim individual dhe përdorim të teknologjisë moderne.
Akses i sigurt dhe i personalizuar përmes rrjetit të brendshëm të universitetit ose përmes identifikimit me kredenciale të përdoruesit (kur aplikohet).

Biblioteka Elektronike synon të krijojë një mjedis fleksibël, të hapur dhe të përditësuar informacioni, duke u ofruar përdoruesve mjetet e nevojshme për kërkime shkencore cilësore dhe efikase.

Bashkëpunime Kombëtare

Biblioteka e Universitetit të Mjekësisë, Tiranë është aktive në rrjete bashkëpunimi kombëtare, duke garantuar akses të zgjeruar në literaturë shkencore për studentët, specializantët, mjekët dhe stafin akademik. Përmes këtyre partneriteteve, përdoruesit mund të konsultojnë mijëra artikuj të indeksuar, revista me faktor impakti dhe literaturë të përditësuar nga burime të besueshme.

Bashkëpunime me:

Rrjetin e Bibliotekave Akademike Shqiptare IZUM, pranë A.SH.SH.-së.
Bibliotekat e universiteteve publike në vend.
Bibliotekën Kombëtare të Shqipërisë.

Bashkëpunime Ndërkombëtare

Biblioteka e UMT-së është pjesë aktive e rrjeteve dhe iniciativave ndërkombëtare që synojnë shkëmbimin e informacionit akademik dhe përmirësimin e vazhdueshëm të shërbimeve të bibliotekës.

Platforma dhe projekte ndërkombëtare:

COBISS.al
Biblioteka është anëtare me të drejta të plota në këtë platformë, si rezultat i bashkëpunimit ndërmjet Universitetit të Mjekësisë, Tiranë dhe A.SH.SH. Platforma ofron qasje në literaturë shkencore, revista dhe botime të specializuara në fushën e mjekësisë, të domosdoshme për profesionistët dhe kërkuesit në vendet në zhvillim.
Për të aksesuar materialet në këtë platformë: www.cobiss.al
HINARI (Health InterNetwork Access to Research Initiative)
Program i Organizatës Botërore të Shëndetësisë që ofron akses falas në literaturë shkencore dhe teknologji për institucionet kërkimore në vendet në zhvillim.
UpToDate
Një platformë e avancuar për informacion klinik, e përdorur nga profesionistë të shëndetësisë për udhëzime të përditësuara mbi diagnostikimin dhe trajtimin mjekësor.
Anëtarësim në Shoqatën Evropiane për Informacionin dhe Bibliotekat në Shëndetësi (EAHIL)
Biblioteka e UMT-së është pjesë e kësaj shoqate evropiane për informacionin dhe bibliotekat në fushën e shëndetësisë.
Projekte të përbashkëta me universitete evropiane
Këto synojnë zhvillimin e infrastrukturës të bibliotekave dhe digjitalizimin e arkivave.
Iniciativa rajonale
Për shkëmbim përvojash me biblioteka mjekësore në Kosovë, Maqedoninë e Veriut dhe Mal të Zi.

Biblioteka e UMT-së mbetet e përkushtuar ndaj krijimit të partneriteteve strategjike që nxisin shkëmbimin e njohurive, përmirësimin profesional dhe rritjen e cilësisë së shërbimeve.

Biblioteka e Universitetit të Mjekësisë, Tiranë ofron shërbime të specializuara për të mbështetur procesin mësimor dhe kërkimin shkencor në të gjitha ciklet e studimeve.

Shërbimet kryesore përfshijnë:

Konsultimi dhe huazimi i literaturës.
Kërkime bibliografike dhe ndihmë në referencim.
Akses dhe mbështetje për përdorimin e databazave online.