Senati Akademik është organi më i lartë kolegjial i Universitetit të Mjekësisë, Tiranë (UMT). Ai përbëhet nga 21 anëtarë, përfshirë Rektorin (kryetar), 18 përfaqësues të personelit akademik dhe 2 përfaqësues të studentëve (10%). Anëtarët akademikë duhet të kenë titullin “Profesor” ose gradën shkencore “Doktor” (PhD), të fituar pranë universiteteve të vendeve anëtare të OECD-së ose BE-së.
Mandati i Senatit është katërvjeçar. Ai përfundon në rast të përfundimit të afatit, dorëheqjes, ndërprerjes së marrëdhënies me UMT, mungesave të pajustifikuara në gjashtë seanca radhazi ose dënimit me vendim gjyqësor të formës së prerë. Vakancat plotësohen sipas renditjes së kandidatëve në votim ose, në mungesë të tyre, përmes zgjedhjeve të reja.
• Propozon Ministrisë së Arsimit dhe Shkencës hapjen, riorganizimin dhe mbylljen e programeve të studimit.
• Përcakton kriteret dhe kuotat e pranimeve në UMT, si dhe tarifat e regjistrimit e shkollimit.
• Miraton marrëveshjet dhe kontratat e bashkëpunimit të institucionit.
• Miraton hapjen e njësive të reja akademike dhe qendrave të studimit.
• Përzgjedh anëtarët e Këshillit të Etikës dhe miraton rregulloren e tij.
• Krijon komisione të përhershme për çështje të rëndësishme akademike.
• Propozon komisione për vlerësimin e titujve akademikë etj..
Senati Akademik ushtron kompetencat e tij përmes vendimeve me fuqi të drejtpërdrejtë.
Të tjera
Kërko informacion, event, njoftim etj
Shqip 
English (UK)