Bordi i Administrimit është organ kolegjial vendimmarrës që mbikëqyr dhe kontrollon veprimtarinë administrative, financiare dhe ekonomike të Universitetit të Mjekësisë, Tiranë (UMT). Ai garanton mbrojtjen e të drejtave të pronësisë publike të institucionit dhe informon Senatin Akademik dhe Rektorin mbi situatën financiare dhe projektet përkatëse.
Bordi i Administrimit përbëhet nga 7 anëtarë:
• 3 anëtarë të përzgjedhur nga Senati Akademik i UMT-së me mandat 5-vjeçar dhe të drejtë rizgjedhjeje, të cilët duhet të kenë të paktën gradën shkencore “Doktor”.
• 4 anëtarë të emëruar nga Ministria e Arsimit dhe Sportit.
Mandati i anëtarëve përfundon në rast të:
• Mbarimit të afatit ose dorëheqjes,
• Ndërprerjes së marrëdhënies me UMT-në,
• Shkeljeve të rënda ligjore ose mungesës së pajustifikuar në 6 seanca radhazi,
• Ndryshimit të raporteve të përfaqësimit në Bord,
• Dënimit me vendim gjyqësor të formës së prerë.
Vakancat plotësohen sipas renditjes në listën e kandidatëve të propozuar nga UMT dhe votuar nga Senati Akademik. Anëtarët e emëruar nga Ministria e Arsimit dhe Sportit mund të shkarkohen vetëm nga ky institucion.
• Anëtarët e Bordit nuk duhet të kenë pengesa ligjore për punësim në administratën shtetërore apo konflikte interesi.
• Shpërblimi i anëtarëve është i përcaktuar në buxhetin e UMT-së dhe tarifat për pjesëmarrje në mbledhje caktohen me vendim të Këshillit të Ministrave.
• Shpenzimet e Bordit realizohen nga Kancelari me urdhër të Kryetarit të Bordit.
Të tjera
Kërko informacion, event, njoftim etj
Shqip 
English (UK)