Në vitin 1952, u themelua Instituti i Lartë Mjekësor, një institucion arsimor i krijuar për të përmbushur nevojat e mëdha të Shqipërisë për mjekë dhe personel të kualifikuar shëndetësor. Në atë periudhë, vendi kishte një mungesë të madhe të specialistëve të fushës mjekësore, dhe krijimi i këtij institucioni ishte një hap vendimtar për zhvillimin e arsimit mjekësor dhe përmirësimin e sistemit shëndetësor.
Instituti i Lartë Mjekësor ishte pararendësi i Fakultetit të Mjekësisë, i cili më vonë do të konsolidohej si një nga institucionet kryesore akademike në Shqipëri për edukimin dhe formimin e mjekëve. Ai u themelua me mbështetjen e ekspertëve vendas dhe të huaj, duke ndjekur modelet më të mira të arsimit mjekësor të kohës.
Fakulteti i Mjekësisë ka qenë pjesë e Universitetit të Tiranës që nga themelimi i tij në vitin 1957, si një nga gjashtë fakultetet e tij. Ky institucion arsimor ka qenë djepi i formimit të mijëra mjekëve, të cilët, nën udhëheqjen e profesoratit dhe pedagogëve të tij, kanë kontribuar në transformimin e sistemit shëndetësor shqiptar. Historia dhe madhështia e këtij fakulteti nuk mbështeten vetëm në literaturën shkencore, monografitë, leksionet apo punimet akademike, por mbi të gjitha në jetë të panumërta të shpëtuara, në përkushtimin dhe profesionalizmin e brezave të mjekëve që dolën nga auditorët e tij.
Të tjera
Kërko informacion, event, njoftim etj
Shqip 
English (UK)