MARRËVESHJE BASHKËPUNIMI NË KUADËR TË PROGRAMIT ERASMUS+ DHE UNIVERSITETIT TË MJEKËSISË, SOFJE, BULLGARI

Universiteti i Mjekësisë, Tiranë (UMT) dhe Universiteti i Mjekësisë, Sofje, Bullgari, vijojnë bashkëpunimin në kuadër të programit Erasmus+.

Ky partneritet synon të nxisë ndërveprimin akademik dhe profesional mes dy institucioneve, përmes mobilitetit të studentëve, stafit akademik dhe administrativ. Të dy universitetet angazhohen të ndajnë përvoja, njohuri dhe praktika që pasurojnë procesin mësimor dhe rrisin cilësinë e arsimit të lartë.

Kjo është një mundësi e vlefshme për zgjerimin e përfshirjes ndërkombëtare të UMT-së, duke thelluar bashkëpunimin me institucionet Evropiane.