Në vijim të punës dhe zbatimit të regjistrit të parashikimit të prokurimit publik të Universitetit të Mjekësisë, Tiranë, për realizimin e proçedurës së prokurimit “Rikonstruksion i sallave të Rektoratit dhe çatisë të Universitetit të Mjekësisë, Tiranë” të parashikuara për tu realizuar gjatë vitit 2021, Ju informojmë se:
Bazuar dhe në zbatim të në nenin 74 dhe nenin 75 të VKM nr.285, datë 19.05.2021 “Për miratimin e rregullave të prokurimit publik”, për të qenë pjesë e komisionit të vlerësimit të ofertave kërkojmë punësimin me kontratë shërbimi të një eksperti të jashtëm, si më poshtë:
Inxhinier të fushës së inxhinierisë së ndërtimit;
Eksperti duhet të plotësojë këto kritere:
- Të ketë përfunduar studimet universitare ose pasuniversitare në fushën e inxhinierisë së ndërtimit.
- Të ketë eksperiencë pune mbi 5 (pesë) vite
- Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje
Kandidatët që aplikojnë, duhet të dorëzojnë pranë Sektorit të Protokoll Arkivës, në Rektoratin e Universitetit të Mjekësisë Tiranë, brenda 5 ditëve nga publikimi njoftimit dokumentet si më poshtë:
- Kërkesë me shkrim për aplikim;
- Jetëshkrimin (CV) sipas formatit standard (europass);
- Fotokopje të pasaportës ose kartës së identitetit;
- Kopje e noterizuar e diplomës/diplomave dhe njehsimin e tyre në MAS (për diplomat e marra jashtë vendit).
- Vërtetim i gjendjes gjyqësore, vetëdeklarim sipas formës së kërkuar nga ligji;
- Mosparaqitja e dokumenteve ose mosparaqitja e plotë e tyre, sjell skualifikim të kandidatit.
Publikimin e njoftimit ne faqen zyrtare te UMT-së
Kandidatët e interesuar, duhet të dorëzojnë brenda 5 ditëve nga publikimi njoftimit, dokumentacionin e kërkuar në Sektorin e Protokoll Arkivës, në Universitetin e Mjekësisë, Tiranë (Adresa: Rruga e Dibrës, Nr.371, 1005, Tiranë).
Shqip 
English (UK)